Қытайда Exeed TXL жаңарды — ол гибрид болады

Қытайдың Өнеркәсіп министрлігінің сертификат базасында Chery концерніне кіретін Exeed брендінің жаңа кроссоверінің суреті мен алғашқы техникалық сипаттамасы жарияланды. Ол TXL-дің жаңарған нұсқасы, бірақ жаңа өнім Қытайда да, шетелде де гибрид күштік құрылымы бар басқа бренд ретінде сатылады. Ресми тұсаукесер қашан өтетіні қазірше белгісіз.

Кроссовер Exeed Sterra E05 деген атауымен сертификат алды. Sterra — Қытайда Exeed құрамындағы электрлі және гибрид модельдердің арнайы топтамасы. Ал шетелде мұндай машина Exlantix атауымен сатылады.

1 / 3

• 
• 
• 

1 / 3

Қазіргі Exeed TXL-мен салыстырғанда жаңа өнім басқа бампер және жаңа жарық техникасы бар жаңарған алдыңғы жағымен ерекшеленеді. Ресми тизерден жоғарғы бөлікте жүріс шамы орналасқанын байқауға болады, ал негізгі шам бампердің шетінде тұр. Радиатор торының жоқтығы модельдің гибрид екенін білдіреді. Ал артқы жағында шам мен жүксалғыш қақпағы өзгерді.

Кроссовердің күштік құрылымы 156 ат күшіне ие 1.5 литрлік дәстүрлі моторға негізделеді, электромоторы жайлы қазірше ақпарат жоқ. Sterra E05-тің өлшемі — 4780×1890×1725 мм, дөңгелек базасы — 2.8 метр. Яғни қазіргі TXL-мен ұқсас. Машина 18–20 дюймдік дөңгелек дискісімен жабдықталған.

Кроссовер Horizon Robotics ұсынған Horizon Super Driving деп аталатын электронды көмекшілер жүйесімен жұмыс істейтіні белгілі. Бұл жүйе модельді интеллектуалды басқару мүмкіндігімен қамтамасыз етеді.

Жаңарған Exeed TXL-дің бензинді нұсқасы да болады деген ақпарат бар. Бірақ нақты мәлімет кроссовердің ресми тұсауксерінде белгілі болады.