Қытайда ең арзан Hongqi-ге тапсырыс қабылдау басталды

Аспан асты елінде Hongqi люкс бренді бензинді HS3-ке алдын ала тапсырыс қабылдай бастады. E-HS3 индексті темір тұлпарды компания төрт жылдан бері шығарып жүр. Машина дәстүрлі қозғалтқыштың арқасында марка ұсынған ең арзан әрі ең шағын нұсқа болатын сияқты. Сатып алуға өтінім қабылдау жүріп жатыр, бірақ бағасы белгісіз. Жергілікті БАҚ модель бағасы шілденің ортасында белгілі болатынын хабарлады.

Жаңа көлік премиум марка стандарты бойынша салыстырмалы түрде қолжетімді, осылайша Hongqi жаппай көлік өндірушісі атану жоспарын орындайды. Соған қарамастан HS3 қымбат брендке тән барлық сипатын сақтапты, оның ішінде диодты оптика, көлемді радиатор торы мен қызыл туды білдіретін капотты бойлай орналасқан фирмалық сызық бар.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Көлік өлшемі — 4655×1900×1668, ал дөңгелек базасы — 2770 миллиметр. HS3 Қостанай зауытының конвейеріне төртінші тоқсанда тұратын Hongqi HS5-тен 100 миллиметр қысқа.

Шағын кроссовер бес орынды нұсқада шығады, бірақ алдыңғы модельдер сияқты қымбат материалдармен жабдықталады. Мысалы HS3-ке диагоналі 12.3 және 12.6 дюймдік екі үлкен экран орнатады, салонды 253 түсті атмосфералы жарықпен әрлейді.

1 / 18

• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 18

Машинаның базалық нұсқасы 7 сатылы роботпен жұмыс істейтін 169 ат күшіне (258 Нм) ие 1.5 литрлік турбомотормен жүреді. Алғашқы жүздікті 9.9 секундта еңсереді, ең жоғары жылдамдығы — 195 км/сағ. Бұдан қымбат нұсқаны 2 литрлік (251 а.к. мен 380 Нм) төрт цилиндрлі мотормен жабдықтайды, роботты 8 диапазонды автомат алмастырады. Мұндай HS3 алғашқы жүздікті 7.2 секундта еңсеріп, максимал жылдамдығы сағатына 220 шақырымға жетеді.

Hongqi шілдеде Қазақстан нарығына төрт моделін шығарады: H5 және H9 седаны, HS5 кроссовері және E-HS9 флагманы. Дилерлік орталықтар алдымен Алматыда, кейін Астанада ашылады.