SAIC пен GM бірлесіп құрған Wuling бренді Hongguang вэнінің жаңа нұсқасын саудаға шығарды. Ол гибрид күштік құрылыммен жүреді. Жергілікті БАҚ хабарлағандай, 68 800 юань (5 млн теңгеден аз) тұратын машина Қытайдағы ең арзан гибрид минивэн атанды.
Wuling Hongguang EREV сырттай бұған дейін шыққан электрлі түрленімге қатты ұқсайды, тек алдыңғы бампердегі радиатор торымен ерекшеленеді. Гибридтің өлшемі — 4515×1725×1790 мм, дөңгелек базасы — 2850 мм. Демек вэн
Hongguang артқы осьтегі 102 ат күшіне ие (180 Нм) электромотормен жүреді. Капот астында генератор рөлін атқаратын 95 ат күшіне ие 1.5 литрлік дәстүрлі мотор бар.
Вэн салонының 5 және 7 орынды екі нұсқасы бар. Базалық комплектация өте қарапайым, медиажүйесі ғана емес, жүргізушіге арналған қауіпсіздік жастығы да жоқ. Қымбатырақ Hongguang EREV жарықдиодты оптика, артқы көрініс камерасы бар 8 дюймдік тачскрин, екі эйрбэг және парктроникпен жабдықталған. Үздік нұсқасы 73 800 юань (5.2 млн теңге) тұрады.
Wuling-нің вэн топтамасында бұдан арзан машина бар. Мысалы, ақпанда 47 800 юань (3.4 млн теңге) тұратын Zhiguang моделі Қытай нарығына шыққан. Шағын электрокар 40 ат күшін беретін мотормен жүреді, жүріс қоры – 200 шақырым.
Комментариев: 0