Қытайлық Han Chung Classics компаниясы қараусыз қалған қоймадан 2012 жылғы бес жаңа Volkswagen Santana тапқанын хабарлады. Қытай нарығына арналған бұл модельдер ешқашан тіркелмеген және жүрмеген.
Бесеуінің де шанағы ақ түсті, салоны матамен қапталған және 1.8 литрлі мотор орнатылған. Жарияланған суреттерден көліктер ешқашан жол жүрмегені байқалады, тозу белгілері жоқ. Алайда компания өкілдері оларды қалай тапқанын айтпай отыр.
1980 жылдың бірінші жартысында Volkswagen Santana Қытай нарығының да, автомобиль өнеркәсібінің де өзгеруіне септігін тигізген модельдердің бірі болды. 1983 жылы Қытайда Santana құрастырыла бастады. Локализация арқасында жергілікті нарықта өз орнын алды. Екінші буын VW Passat негізіндегі седан қарапайым халық арасында да, мемлекеттік қызметкерлер арасында да сенімділігі мен кең салоны арқасында тез танымал болды және «халық көлігі» мәртебесін алды.
Бренд жергілікті мамандардың қатысуымен модельді үнемі жаңартып отырды, седан мен универсалдың бұрынғы нұсқалары қатар шығып, саудаға түсті. Суретте Santana-ның бірінші буыны көрсетілген.
Табылған көліктерді не күтіп тұрғаны белгісіз. Аукционда жергілікті раритет көліктерге қызығатындарға немесе бөлшектеп сатылуы мүмкін. Өйткені Han Chung Classics компаниясы ескі Volkswagen бөлшектерін саудалайды.
Комментариев: 0