Қытай жүк көліктері КАМАЗ-ды басып озды

«Автостат» агенттігі Ресейдегі ауыр жүк көлігінің 2024 жылғы сауда нәтижесін жариялады. 12 айда шетелдік және 102 007 отандық техника сатылған, бұл 2023 жылмен салыстырғанда 18.8 % аз.

Анықтама ретінде: «Автостат» жалпы салмағы 16 тоннадан асатын техниканы ауыр жүк көлігі категориясына қосқан.

Көрші елдің нарығында Қытайдың тартқыш және жүкті өзі түсіретін көліктері үстемдік етуде. Олар алғашқы бес орынның төртеуін иеленіп, жергілікті өндірушіні алғаш рет артта қалдырды:

1. Sitrak — 19 409 дана.
2. КАМАЗ — 17 254 дана.
3. Shacman — 15 729 дана.
4. FAW — 11 605 дана.
5. Dongfeng — 8 260 дана.

2024 жылдың модельдерге қатысты қорытындысында MAN үлгісінде жасалған Sitrak C7H үздік атанды. Одан кейін Dongfeng 4180 (Volvo Trucks және Cummins Inc-пен бірлесіп жасалған), Shacman SX3258 (бұл да MAN-ға негізделген) және FAW J7 жайғасты. Ал бесінші орынға Mercedes кабинасы бар бесінші буындағы КАМАЗ 54901 тұрақтады.

Еліміздің ресми нарығында КАМАЗ ауыр жүк көлігі категориясында көшбасшы. Былтыр елде компанияның жалпы саудасы 1226-ға жетті, бұл 2023 жылғы нәтижеге (1194 дана) қарағанда сәл жоғары. Бренд Қазақстандағы зауыттар құрастыратын Shacman және Dongfeng (СемАЗ), Howo (QazTehna), JAC (Allur автомобиль зауыты), Алматыдағы Hyundai Trans Auto кәсіпорында жасалатын МАЗ сияқты брендтермен бәсекелеседі.