Қытай тұрғындары Volkswagen ID.7-ні арзанға алады

Volkswagen ID.7 электрокарының Қытай нарығына арналған нұсқасын таныстырды. Атауында Vizzion қосымшасы бар ID.7 сырттай Еуропадағы түрленімнен еш парықталмайды, бірақ күштік құрылымы сәл басқаша. Соның арқасында ол едәуір арзан. Тағы бір айырмашылығы, қытайлық ID.7-нің толық жетекті түрленімі шығады.

1 / 16

• 
• 
• 
• 
• 
• 
• 
• 
• 
• 
• 
• 
• 
• 
• 
• 

1 / 16

Volkswagen ID.7 өз елінде 286 ат күшіне ие заманауи электромотормен жүрсе, Қытайда базалық электрокар VW Еуропада қолданбайтын қарапайым агрегатпен қозғалады. Ол 204 ат күші мен 310 Нм береді. Аспан асты елінде лифтбек жергілікті 84.8 киловатт батареямен жабдықталған, жүріс қоры — 642 км (CLTC циклінде). Еуропадағы электрокардың жүріс қоры — 615 км (WLTP циклінде). Егер ұқсас әдіспен есептесек, еуропалық нұсқасы ұзақтау жол жүреді.

Техникалық өзгеріс арқасында FAW және Volkswagen бірлескен кәсіпорны жаңа өнімді тиімді бағаға сата алады. Жақсы жабдықталған электрокарға 237 700 юань (15.2 млн теңге) төлеп, тапсырыс беруге болады. Машина жергілікті нарықта Tesla Model Y және кейбір BYD модельдерінен арзан тұрады. Еуромен есептегенде Қытайдағы ID.7 Vizzion бағасы (30 мың) Германиядағы Volkswagen ID.7 құнының (57 мың) жартысындай ғана.

1 / 8

• 
• 
• 
• 
• 
• 
• 
• 

1 / 8

Болашақта Volkswagen ID.7 Vizzion-ның артқы осьте 204, алдыңғы жақта 109 ат күшіне ие моторы бар толық жетекті түрленімі шығады. Батареясы жалғыз моторлы нұсқамен бірдей, бірақ жүріс қоры 570 шақырым болады.

Volkswagen Еуропада батареялы топтамасын толықтыруға дайындалып жатыр: 2024 жылдың басында флагманның ID.7 Tourer деп аталатын универсал шанағындағы нұсқасы шығады. Компания бес есікті көліктің алғашқы суретін қазанда жариялаған. Марка Қытайда Volkswagen және SAIC бірлескен кәсіпорнында ID.7-нің атауы мен сырт пішіні өзгеше жаңа түрленімін шығаруды жоспарлап отыр. Мұндай схеманы концерн ID.4 кроссоверіне де қолданады.