Қытай көліктерінің жүріс қоры қалай өзгерді

2020 жылдан 2025 жылға дейінгі аралықта Қытай автоөнеркәсібі электрлі көлік құралдарының жүріс қорын айтарлықтай арттырды. CarNewsChina басылымы Қытайдың автомобиль ассоциациясына сілтеме жасап хабарлағандай, электромобильдің орташа жүріс қоры 24 % өскен.

2020 жылы Қытайда шыққан электрокарлардың орташа жүріс қоры 425 км еді, биыл қыркүйекте көрсеткіш 528 шақырымға жеткен. Қосылатын гибридтер электр қуатымен жүре алатын қашықтық 44 км артып, 137 км-ге жетті. Толыққанды гибрид машиналар бес жыл бұрын электр қуатымен орта есеппен 125 шақырым жүретін, қазір көрсеткіші екі есе артып, 205 км болды.

Сарапшылар Қытайдағы көптеген электрокарды зерттеп, жүріс қоры 200 шақырымнан кем модель жоқ екенін анықтады. Ал 200–300 шақырымды еркін еңсеретін машиналар жаңа электромобиль нарығының 5 %-ын ғана құрап отыр. 500–599 км қозғалатын модельдер көп (26 %) екен. Екінші орында жүріс қоры 600–699 км машиналар (20 %) тұр. Үздік үштікті 400–499 км жүре алатын техника (19 %) түйіндейді. Жүріс қоры 700 км немесе одан да жоғары электрокарлардың нарықтағы үлесі 13 %-ға жеткен.

Қытайда қосылатын гибридтер арасындағы ең танымалы электр қуатымен 100–150 км жүре алатын көліктер, олардың үлесі — 43 %. Толыққанды гибридтер арасында жолда 150–200 км жүретін модельдер жиі (46 %) кездеседі.