Ұлыбританияның жаңа көлік нарығында Қытай кроссовері алғаш рет бірінші орынға шықты. Наурыздың қорытындысы бойынша Jaecoo 7 ең көп өткен көліктер тізіміне кірді. Біздің елде бұл модель J7 деп аталады.
Ұлыбритания автоөндірушілер мен дилерлер қауымдастығының дерегіне сәйкес марка 10 064 Jaecoo 7 сатқан. Екінші орында бұрынғы көшбасшы Ford Puma (9193) тұр. Үздік үштікті Nissan Qashqai түйіндеді, бір айда 8718 машина өз иесін тапқан.
2026 жылдың наурызындағы Ұлыбританияның жаңа көліктер нарығындағы үздік 10 модель
| Орын | Модель | 2026 жылғы наурыздағы сауда нәтижесі |
| 1 | Jaecoo 7 | 10 064 |
| 2 | Ford Puma | 9193 |
| 3 | Nissan Qashqai | 8718 |
| 4 | Kia Sportage | 7310 |
| 5 | Vauxhall Corsa | 6315 |
| 6 | Volvo XC40 | 6311 |
| 7 | MG HS | 6135 |
| 8 | Volkswagen Golf | 5890 |
| 9 | Tesla Model Y | 5177 |
| 10 | 1-сериялы BMW | 4936 |
2026 жылдың I тоқсанындағы нәтиже бойынша Jaecoo 7 (15.5 мың) екінші қатарға жайғасты. Бірінші орын Ford Puma-ға тиесілі.
Сарапшылар Jaecoo 7 басқа гибрид көліктерден арзан және салық жеңілдігі мен тартымды кепілдік шарты болғандықтан осындай жетістікке жетті дейді. Дегенмен бұл пікірмен бәрі келіспеді. «Автопоток» Broker News басылымына сілтеме жасап хабарлағандай, Қытай бренді наурыздағы жоғары көрсеткішке әділ жолмен жетпеген. Дилерлер ақпанда сатқан автомобильдерді әдейі кеш тіркеп, келесі айдың статистикасына енгізіпті-міс.
Анықтама ретінде: Ұлыбританияда
Қазақстандағы автосалондар саудалап жатқан Jaecoo модельдері жайлы толық ақпаратты Kolesa.kz-тегі «Жаңа көліктер» бөлімінен көруге болады. Сайтта барлық модельдің техникалық сипаттамасы, комплектациясы және бағасы толық жазылған.
Комментариев: 0