Атауында Спорт қосымшасы бар Патриот өндірісі 10 жыл бұрын тоқтаған. Автокөлік ұзақ шығарылмады әрі көпшілікке ұнай қоймады. 2010 жылғы шілде мен желтоқсан арасында небәрі 1762 машина сатылған.
УАЗ Патриот Спорт (УАЗ-3164) «Жас әрі белсенді адамдарға арналған" автомобиль ретінде ұсынылды. Ол базалық модельден 360 мм-ге қысқарған дөңгелек базасымен және көлемі аз жүксалғышымен ерекшеленді. Іші тар болғанмен, геометриялық өтімділігі жақсарды. Машина бес сатылы механикамен жұмыс істейтін 2.7 литрлік екі (112 және 128 ат күшіне ие) мотормен ұсынылды.
Енді УАЗ әлеуметтік желідегі оқырмандарына «Осындай модель қазір сұранысқа ие болар ма еді?» деген сұрақ қойды. Қазір автоөндірушіде анағұрлым қуатты қозғалтқыштар, жетілдірілген қауіпсіздік жүйелері, электронды бұғатталатын артқы дифференциал, түрленген аспа мен белдіктер бар, салон жабдықтары да жақсы дүниелермен толықты.
Жұрттың пікірі екіге жарылды — біразы құрылғысы жаңарып, автомат қорап қойылған осындай көлікті алуға қарсы емес, дегенмен көп адам зауыт өкілдеріне қазір шығып жатқан модельдердің сапасын жақсартуға кеңес берді.
Комментариев: 0