Қыркүйектегі автонарық: Chevrolet Cobalt қайта көш бастады

Биыл қыркүйекте елдегі ресми автосалондар жақсы жұмыс істеп, 2023 жылғы көрсеткіштен асып түсті. Дилерлер 17 888 дана жеңіл автомобиль мен жеңіл коммерциялық техника сатты, бұл тамыздағы көрсеткіштен 0.4 %, ал былтырғы қыркүйектен 0.65 % артық.

Бірақ Қазақстан автомобиль одағы 2024 жылғы жалпы көрсеткіш былтырғыдан төмен екенін айтты, биыл тоғыз айда 137 106 машина (-0.7 %) өткен. Қауымдастық президенті Анар Мақашева биыл елдегі автонарық 2023 жылдағыдай емес, тұрақты болатынын болжап отыр.

2024 жылғы қыркүйектегі сауда нәтижесі бойынша үздік 10 марка

Қыркүйекте үздік маркалар тізімінде Hyundai көш бастады. Бренд дилерлері 4218 автомобиль өткізді. Екінші қатарға Chevrolet жайғасты, марка саудасы тамызбен салыстырғанда әлдеқайда жақсы болды — 3027 машина (+26 %). Үздік үштікті 1953 өнімі өткен Kia түйіндеп тұр (+18.7 %) Үздік бестікке Chery (1324) мен Toyota (965) енді.

1 / 10

• 
• 
• 
• 
• 
• 
• 
• 
• 
• 

1 / 10

Танымал модельдер тізімінде өзгеріс бар. Қыркүйекте жыл басынан алда тұрған Hyundai Tucson-ды ығыстырып, Chevrolet Cobalt жеңімпаз атанды. Автосалондар 2517 седан сатты. Ал Алматыда жасалған «туссанның» 1780 данасы ғана иесін тапты. Hyundai Elantra (700 дана), Hyundai Santa Fe (594) және Kia Sportage (551) топ-5 тізімге кірді.

Үш тоқсанның қорытындысы бойынша Hyundai тізім басында тұр. Кәріс брендін жыл аяғына дейін ешкім қуып жете алмайтын шығар. Марка дилерлері тоғыз айда 31 214 автомобильдің кілтін тапсырды, ал оған ең жақын тұрған Kia небәрі 17 058 машина саудалаған. Ал Chevrolet-нің (15 780 дана) екінші орынға таласатын мүмкіндігі мол.

2024 жылдың тоғыз айындағы үздік 10 марка