Дилерлер күздің алғашқы айында коммерциялық техниканы қоса есептегенде 11 986 автомобиль саудалады. Оның 11 057 данасы жеңіл көлік. Бұл былтырғы ұқсас мезгілмен салыстырғанда 13.9 %-ға көп, оның үстіне 2022 жылғы ең үздік көрсеткіш. Бұған дейінгі рекорд 11 637 машина (шілдеде) болатын.
Қазақстан автобизнес ассоциациясы (ҚАБА) биыл тоғыз айда 86 959 машина өтіп, 2021 жылғы ұқсас мезгілден 0.4 %-ға жоғары болғанын хабарлады.
2022 жылғы тоғыз ай қорытындысы бойынша нарықтағы үздік 5 марка
| Орын | Марка | 2022 жылғы тоғыз айдағы сатылым (дана) |
| 1 | Chevrolet | 24485 |
| 2 | Hyundai | 20363 |
| 3 | Kia | 9727 |
| 4 | Toyota | 7229 |
| 5 | Lada | 6705 |
Қыркүйекте рейтингте бұған дейін де көш бастап тұрған Chevrolet көліктері ең көп сатылды (4000 дана). Бұл, былтырғы қыркүйекпен салыстырғанда 71.1 %-ға көп. Екінші орынға Hyundai (2574) жайғасып, үздік үштікті Kia (1336) түйіндеді. Camry мен RAV4 болмаса да, LC Prado-ның арқасында Toyota (820) төртінші орынды сақтап қалды. Lada бесінші қатардан алтыншы сатыға сырғыды, салонда көлік қоры азайған болу керек, дилерлер 374 машина ғана сатқан. Ал оның орнын қытайлық Chery (560) басты.
2022 жылғы қыркүйек қорытындысы бойынша үздік 10 марка
| Орын | Марка | 2022 жылғы қыркүйектегі сатылым (дана) |
| 1 | Chevrolet | 4000 |
| 2 | Hyundai | 2574 |
| 3 | Kia | 1336 |
| 4 | Toyota | 820 |
| 5 | Chery | 560 |
| 6 | Lada | 374 |
| 7 | JAC | 322 |
| 8 | Lexus | 261 |
| 9 | Exeed | 260 |
| 10 | Renault | 179 |
Танымал модельдер тізімінде әлі Chevrolet Cobalt (2476) пен Chevrolet Nexia (1115) көш бастап тұр. Үшінші сатыға Hyundai Tucson (1072) тұрақтады. Айта кетерлігі, Chevrolet-ден өзге марканың моделі бір айда мыңнан аса сатылғаны сирек кездесетін жағдай. Үздік бестікке Toyota Land Cruiser Prado (392) мен Hyundai Santa Fe (390) енді. Жаңа Kia Ceed моделінің бір айда 269 данасы өтіп, сегізінші орынға ие болғаны назар аудартады.
Комментариев: 0