Құны жаңа Porsche 911 Carrera 4S-пен бірдей ескі Ford Mustang

АҚШ-тағы дилерлік орталықтардың бірі 1993 жылғы Mustang-ты саудаға шығарды. Атауында SVT Cobra қосымшасы бар қуатты көліктің одометрі небәрі 34 миль көрсетіп тұр, салонында пакеті, терезесінде бұрынғы бағасы (21 723 доллар) сақталған.

1 / 6

• 
• 
• 
• 
• 
• 

1 / 6

Хетчбэктің 30 жылдан кейінгі құны әлдеқайда жоғары. Сатушылар Mustang-ты 145 900 долларға өткізбекші. АҚШ-та бұл сомаға Carrera 4S модификациясындағы Porsche 911 сатып алуға болады. Қосымша опциясыз бағасы 138 600 доллардан басталады.

1 / 14

• 
• 
• 
• 
• 
• 
• 
• 
• 
• 
• 
• 
• 
• 

1 / 14

Хабарландыруда «мустангтың» жағдайы өте керемет деп жазылған. Көлік мінсіз сақталған және бүгінгі күнге уақыт машинасымен жеткен сияқты. Аккумуляторы ғана өзінікі емес.

Үшінші буын Ford Mustang 1978-1993 жылдары шыққан. Ол көлемі 2.3 литрлік атмосфералы мотордан бастап, 4.9 литрлік V8-ге дейінгі моторы бар әртүрлі күштік құрылыммен бірнеше шанақта қолжетімді еді.

Модельдің SVT Cobra нұсқасы тек 1993 жылы жарық көрді. Мичигандағы зауыт 5100 «кобра» өндірді, оның 1079-ы қара түске боялып, салоны сұр былғарымен қапталды. Автомобиль 5 сатылы Borg-Warner механикалық қорабымен жұптасқан 238 ат күшін және 380 Нм момент беретін 4.9 литрлік қозғалтқышпен жүреді.