Бүгін оңтүстік астанадағы әуежай маңынан қала орталығына апаратын эстакада ашылды. Жолайрықтың Құлжа тас жолы мен Рысқұлов даңғылының қиылысқан жерінде салынып жатқан (қаладан солтүстік бағытта және Рысқұловтан солға қарай қозғалуға мүмкіндік беретін) екі бөлігін осы жылдың шілде айында қолданысқа береді. Алматының Қалалық мобильділік басқармасының басшысы Сағындық Телібаевтың айтуынша, жол жөндеушілерге тек оңға бұрылатын тұсын салу жұмыстарын аяқтау ғана қалады. Оларды 1 қыркүйекке дейін салып бітіру жоспарланып отыр. Сонымен қатар, осы жылдың соңына таман жолайрықты көгалдандырады.
Басқарма басшылығы Құлжа тас жолындағы кептелісті азайту және қалаға Қайрат шағынауданы мен қала сыртындағы елді мекендерден қатынайтын тұрғындардың өмірін жеңілдету мақсатында жолайрық эстакадасын жылдамырақ ашуды көздегендерін атап өтті
Комментариев: 0