Қуаты жасырын винтажды «роллс-ройс»

Қазір бірде-бір ірі көрме Джим мен Майк Рингтердің қатысуынсыз өтпейді. Висконсиннен шыққан ағалы-інілі әртүрлі маслкарды жақсартуға машықтанған, қазір олар бұл салада өте танымал.

1 / 9

• 
• 
• 
• 
• 
• 
• 
• 
• 

1 / 9

Жергілікті брендтермен ғана шектелмей, соңғы SEMA көрмесіне Ringbrothers ательесі Rolls-Royce Silver Cloud II лимузинін қосты. 1961 жылғы қуатты әрі ірі автомобиль автоөндірістегі консерватизмнің белгісі іспетті.

Автомобильді негізіне дейін шашып, қос шебер оған Roadster Shop-тың әлдеқайда жеңіл және қатты рамасын орнатты. Ерекше 6.2 литрлік карбюраторлы атмосфералы V8-дің (185 а.к.) орнын көлемі сондай заманауи компрессорлы LT4 V8 қозғалтқышы басты. Мотордың жалпы қуаты 640 ат күшіне тең. 861 Нм момент арнайы көміртек талшығынан тұратын кардан білік пен 10 сатылы Bowler Tru-Street беріліс қорабы арқылы артқы дөңгелектерге беріледі.

Аспасы жақсарып, автомобильдің жүріс динамикасы артып, нәтижесінде аспада да біршама өзгеріс болды. Енді ода Fox RS SV койловерлері бар. 15 дюймдік дөңгелек дискілері және 6 поршенді суппорты бар тежеу механизмі — Baer шеберханасының жұмысы.

1 / 15

• 
• 
• 
• 
• 
• 
• 
• 
• 
• 
• 
• 
• 
• 
• 

1 / 15

Күңгірт қызыл түсті былғарымен қапталған салон заманауи жабдықтардың, төбесі майда жұлдыз түріндегі жарықдиод және ерекше төсемшенің арқасында әлдеқайда кең көрінеді де, жайлылық сыйлайды.

Ringbrothers Silver Cloud II-нің сыртын өзгерткен жоқ. «Ақ мамық» (White as Fluff) шанақ бояуы түпнұсқа машинаны еске түсіреді, хромдалған элементтер, алдында өлшемі 235/60, артында 255/55 Falken Azenis шинасымен қапталған 18 дюймдік EVOD дөңгелектері, RR логотипі де ескі модельден хабар береді.

Ringbrothers жасаған Rolls-Royce Silver Cloud II Paramount деген жаңа атауға ие болды. Бұл атақты голливудтық киностудияның атауы ғана емес, жоғары санаттағы бұйымдарға арнап айтатын эпитет.