Қуаты артқан Cullinan

Бавариялық Delta4×4 кеңсесі бай арабтың тапсырысына сай Rolls-Royce Cullinan-ды жолсыз жермен жүруге бейімдеп жасап шықты. Аспасы жақсартылып, 80 мм-ге биіктеді, шеберлер дөңгелек аркасын кеңейткіш пен капот қаптамасы, жапониялық PIAA шамдары бар қуатты бампер, төменгі бөлігін қорғау, шатыры бар экспедициялық жүксалғыш, канистр, алмалы-салмалы шноркель және т. б. жабдықтар орнатты.

571 ат күші мен 850 Нм момент беретін 6.75 лиртлік V12 моторы (ZF автомат қорабымен жұптасады) өзгеріссіз қалды.

1 / 8

• 
• 
• 
• 
• 
• 
• 
• 

1 / 8

Неміс тюнерлері атқарған жұмысы мен жабдықтар үшін 150 мың еуро алған. Бұл өте қымбат көрінуі мүмкін. Бірақ «Куллинанның» бағасы төрт жүз мың доллар шамасында екенін ескеру керек – қымбат машинаның шығыны да көп болады. Мысалы, 33 дюймдік Mickey Thompson шинасының бір жиынтығы 15 мың еуро тұрады.

Біз сөз етіп отырған үлкен кроссовер былтыр Rolls-Royce саудасының қызуына оң әсер етті. Тұтас әлемде марканың 5586 көлігі сатылған, оның ішінде ең танымалы Cullinan мен Ghost моделі болды.