Елбасының жарлығымен Қасымов Қалмұханбет Нұрмұханбетұлы президенттің көмекшісі — ҚР Қауіпсіздік кеңесінің хатшысы қызметіне тағайындалды, — деп хабарлады Ақорда. Ал ішкі істер министрі болып оның бұрынғы орынбасары Ерлан Тұрғымбаев тағайындалды.
ҚР ІІМ-ін 2011 жылдан бері басқарып келген Қалмұханбет Қасымовтың жасы 62-де. Ол еңбек жолын Алматы облысының ІІБ Іле аудандық ішкі істер бөлімінде тергеуші ретінде бастап, вице-министрге, ал сәл кейінірек ішкі істер министріне дейінгі ұзақ жолды жүріп өтті. Айта кететін жәйт, дәл Қасымовтың тұсында қоғам полицияға түпкілікті реформа жүргізуді талап еткен болатын. Қайта құру жұмыстары киім үлгісін ауыстырудан басталған еді.
Өз кезегінде, 1962 жылы дүниеге келген Ерлан Тұрғымбаев министрдің орынбасары, ал енді ІІМ басшысы қызметіне Алматы ІІД-нің басшысы лауазымынан ауысып келген болатын. Ол да еңбек жолын Қарағанды облыстық ІІБ Саран ауданының ІІБ қылмыстық іздестіру бөлімшесінің қарапайым жедел өкілі ретінде бастап, басшылық қызметке дейінгі ұзақ жолды жүріп өтті.
Комментариев: 0