Қазақстанға былтыр ресми түрде оралған Chevrolet автокөліктері тағы бір модельмен толықты. Chevrolet Tahoe Қостанайдағы зауытта ірі торапты әдіспен құрастырылады. Бұрын шеттен жеткізілетін машинаны сатумен тек Cadillac дилері айналысатын.
Tahoe-ның бағасы — 30.9 млн теңге. Оны 420 ат күшін беретін 6.2 литрлік V8 моторына ие Premier АТ жиынтығында ғана алуға болады. Толық жетекті көліктің қозғалтқышы 8 сатылы автомат арқылы іске қосылады.
Машина Magnetic Ride Control шассиімен, электронды көмекшілермен және тіркемені тұрақтандыру, автоматты тежеу, жолақта қалу, көрінбейтін аймақтағы объектілер туралы ескерту, «ақылды» круиз-бақылау жүйелерімен жабдықталады. Салонға сегіз қауіпсіздік жастығы, 8 дюймдік экраны бар MyLink мультимедиа кешені, 10 динамигі бар аудиожүйе, үш аймақтық климат-бақылау, жылытқыштар мен тоңазытқыш орнатылған.
Tahoe біздің елде Cadillac Escalade, Lexus LX570 және Toyota Land Cruiser 200-бен бәсекелеседі.
Комментариев: 0