Баймағамбетов көшесімен КСК жаққа қарай қозғалып бара жатқан Toyota Surf жүргізушісі рөлге ие бола алмай, қарсы бетке өтіп кетеді де, Қостанай облыстық Полиция департаменті ғимаратының жанында тұрған шам бағанасына соғылады.
Апат болған сәт бейнебақылау камерасына түсіп қалған. Сол сәттен бір секунд бұрын бағана маңайынан жаяу жүргіншінің өткенін байқауға болады. Ол екі тонналық темір тұлпардың соққысынан қашып үлгерді. Сәл баяу қозғалғанда оқиға немен аяқталарын елестету қорқынышты.
«НГ» хабарлағандай, жол апатынан ешкім зардап шекпеген. Жүгізушінің атына ҚР ӘҚБК-нің 608-бабы бойынша хаттама толтырылды. Яғни, «тойота» рөлінде отырған азамат апат болған сәтте мас күйде болған, енді ол бес жылға көлік жүргізу құқығынан айырылады.
Комментариев: 0