G21 шанағындағы бес есікті BMW M3 Touring универсалы шығады дегеніне бірнеше жыл болды. 2018 жылы аттас концепт көрсетілген соң, модельдің прототиптері көктемде сынақ кезінде көзге түскен. Алайда универсал 2022 жылдан ерте жарық көрмейді.
Автоөндірушінің жаңа өнімін күтуден жалыққан өнертапқыш оны қолдан жасап алыпты. Оған көлік құрастыруға төрт «үштік» қажет болды. Екеуі іздеуде жүргендіктен VIN-нөмірі өшірілген екен. Шебер темір тұлпарымен ұзаққа бара алмады, себебі ашық жасыл түсті M3 Touring полиция назарына ілікті. Тәртіп сақшылары көлік нөмірі дизельді 3-Series-ке тиесілі екенін анықтаған.
Тексеріс нәтижесінде кейбір бөлшектерінің ұрланған машиналардан алынғаны белгілі болды. Автокөлік тәркіленіп, оны жою жөнінде шешім қабылданды, оның үстіне машина апатқа түссе ішіндегі адамдардың қауіпсіздігіне мүлде кепілдік жоқ.
Спорттық универсалдың жазаға тартылған сәті видеоға түсті. Ол шебердің әрекетін қайталағысы келгендерге ескерту іспетті.
Комментариев: 0