Қазақстанның ресми нарығындағы Қытай брендтері

Бірінші жартыжылдық қорытындысы бойынша жаңа автомобиль нарығындағы ең танымал он брендтің алтауы Қытайдан. Аспан асты елінен шыққан жеңіл көліктің жалпы саудасы 32 мыңға жақындап қалды, ал Қазақстанда қаңтар-маусым аралығында 83 220 автомобиль, соның ішінде жеңіл коммерциялық техника да саудаланды. Бұл нарықтың үштен бірі Қытай брендтеріне тиесілі дегенді білдіреді! Елде барлық өндірушінің жұмысы жақсы жүріп жатыр деуге келмейді.

Көшбасшылар

Саудасы жақсы брендтер біздің ай сайынғы автонарыққа шолуға үнемі шығады. Қазақстанда ең жақсы көрсеткішке алты айда 6667 көлік сатқан Chery ие. Бренд бестселлері — шағын Tiggo 2 паркетнигі (2613 дана). 1.5 моторы және вариаторы бар алдыңғы жетекті машина жалғыз комплектацияда қолжетімді және 7 млн теңге тұрады. Сол себепті жаңа көліктер арасындағы ең арзандарының бірі саналады.

Chery-дің ірі Tiggo 8 Pro Max кроссовері және Camry-дің бәсекелесі Arrizo 8 седаны жақсы сатылмайды. Жарты жылда тек 447 және 394 көлік иесін тапқан.

Екінші танымал бренд — JAC (5150 дана). Компанияның J7 лифтбэгі (1897 дана) және шағын JS4 кроссовері жақсы көрсеткішке ие. Компакт SUV бағасы 7.9 млн теңгеден басталады, ал J7-нің құны 7.3 млн-нан жоғары. JAC топтамасында JS6 паркетнигі (782 дана) ғана мыңға жақындаған, ал қалған модельдер 200-ден әрең асады. Бір данасы ғана саудаланған e-JS4 электромобилін де атап өту керек, оның бағасы — 16.9 млн теңге. Жамбыл облысының полициясы бұл модельді сатып алуда көшбасшы және солай қала беретін сияқты.

Үздіктер үштігін Changan (4214 дана) түйіндеді, ол жартыжылдық қорытындысы бойынша Haval-ды артта қалдырды. Тұтынушылар барлық жеңілдік пен арнайы ұсынысты есептемегенде 11.3-12.8 млн теңге тұратын CS55 Plus кроссоверін ұнататыны анық. Бюджеттік Alsvin седанының көрсеткіші сәл төмен (1039 көлік).

Zeekr

«Сұр» электромобильді импорттауға қатысты мәселелер туралы жаңалық тарап жатқан сәтте Zeekr-дің ресми өкілдеріне назар аудара кеткен жөн. Алғашқы алты айда автосалон 465 электромобиль сатты. Танымалдық жағынан 001 мен X кроссовері тең: 234 және 231 дана.

Zeekr Қазақстанда электромобиль сатудан көш басында келеді. Hyundai, Kia, BMW, Audi, Porsche және Hongqi сияқты брендтердің жалпы көрсеткіші 140 машинадан аспайды.

Үздіктер тізіміне ене алмаған маркалар

Көрсеткіші төмен брендтерді аутсайдер десе болады, бірақ бұлай деуге әлі ерте, өйткені олар нарыққа жақында ғана шықты немесе шыққандарына бір жыл болмады. Мысалы, Chery Қазақстанда үш жылдай үздіксіз сауда жасап жатыр.

Тек сауда нәтижесін қарастырсақ, ресми нарықта ең нашар көрсеткіш (25 көлік) MG брендіне тиесілі. Компания MG 5 седанының 20 данасын, MG 6-ның 3 данасын және екі MG ZS кроссоверін өткізген. MG мамырдың ортасында Қазақстанға қайта оралып, маусымда ғана жұмысын бастағанын ескеру керек.

Chery-дің суббренді Kaiyi-дің де жағдайы дәл сондай. Дилерлер сауданы мамырда бастап, маусымның аяғына қарай 97 автомобиль сатты.

Hongqi және GAC брендтерінің жағдайы мәз емес. Премиум автоөндіруші алты айда 145 автомобиль саудалаған, соның ішінде жетеуі E-HS9 электромобилі. Бренд бестселлері — H5 седаны. Биыл 54-і иесін тапты.

Былтыр тамызда келген GAC компаниясы 266 көліктің кілтін тапсырды, олардың 133-і – ірі GS8 кроссовері, 125-і – шағын әрі арзан GS5, қалған сегізі – GS3 және M8 минивэні.

FAW меншігіндегі Bestune ақтала алмайды. Қазақстанда 2022 жылдан бері жұмыс істеп келе жатқан бренд қаңтар-маусым аралығында T77 кроссоверінің 71 данасын иесіне табыстаған. Бұл Bestune-нің елдегі жалғыз моделі.

2024 жылдың алғашқы алты айындағы Қытай маркаларының саудасы