Қазақстанның қай қаласында жаңа автомобиль көп өтеді

Қазақстандағы автосалондар жеті айда 101.4 мың жаңа автомобиль сатты. Елде Hyundai өнімдері, атап айтқанда Tucson моделі ең көп өтетіні, одан кейінгі орында Kia мен Chevrolet тұрғаны белгілі. Біз жекелеген қалаларда сауда қалай, қай жерде жаңа автомобильге сұраныс жоғары деген сұрақтарға жауап іздеп көрдік.

Үздік 5 қала: Алматы, Астана, Шымкент, Карағанды және Қостанай

Қазақстанда жаңа автомобильдің көбі Алматыда сатылғанына таңғалудың қажеті жоқ шығар. Қаңтар мен шілде аралығында оңтүстік астанада 28 272 машина өтті. Бұл былтырғы көрсеткіштен (28 006 да) сәл жоғары. Еліміздегі жалпы сауданың 30 %-ға жуығы Алматыға тиесілі.

Қалада танымал маркалар — Hyundai (7278 дана), Kia (4967) және Chevrolet (2280). Жеке модель жайлы айтсақ, бірінші орында Hyundai Tucson (3601) тұр. Үздік үштікке Kia Sportage (2379) бен Chevrolet Cobalt (1720) енді.

Қалалар рейтингінде Алматыдан кейін Астана жайғасқан. Елордада жеті айда 21 244 автомобиль иесін тапты. Бұл былтырғы сәйкес кезеңдегі нәтижемен (20 314) салыстырғанда біршама жақсы көрсеткіш болды.

Астанада да Алматыдағы сияқты Hyundai (4266 дана), Kia (2710) және Chevrolet (1946) алда келеді. Бірақ модельдер тізімінде ерекшелік бар, бас шаһарда Cobalt (1555) Sportage-ден (1125) жақсы өткен. Ал бірінші орынды Hyundai Tucson (2398) ешкімге берген жоқ.

Жеті айда 10 785 машина сатылған Шымкент үшінші орында тұр. Бірақ қаланың биылғы көрсеткіші 2023 жылғыдан (11 330 дана) төмен болды.

Мұнда да Hyundai (2134 дана) ешкімге дес бермей тұр. Екінші және үшінші сатыға Chevrolet (2110) мен Kia (1318) орналасты. Ал модельдер тізімінде Tucson (1254) көш бастап, Cobalt (1755) пен Sportage (550) тізім басындағы үштікке енді.

Төртінші сатыдан Қарағанды орын алды. Алдыңғы жылмен салыстырғанда мұнда сауда бәсең тартқан, былтыр 6234 машина сатылса, биыл 5151 автомобиль өтті.

Шахтерлар мекеніндегі халықтың көбі Hyundai (1058), Chevrolet (602) және JAC (645) таңдапты. Жеті айда бар-жоғы 600 Kia салоннан кетті. Модельдерге келер болсақ, Hyundai Tucson (688) жеңімпаз атанды, Chevrolet Cobalt күміс жүлде алды, ал үшінші орын JAC J7-ге (218) бұйырды.

Былтыр Қарағандыда 1.6 «кобальт» иесін тапты.

Жеті ай қорытындысы бойынша үздіктер тізімі Қостанаймен (4675; −18.2%) аяқталады. Астықты өлкеде Hyundai (1034) таңдағандар басым. Tucson-ның (671) да жағдайы жаман емес. Содан кейін JAC (879) және Kia (515) тұр. Ал автомобильдер арасында Chevrolet Cobalt (325) әдеттегідей алдыңғы қатарда келеді. Айтпақшы, JAC, Kia және Chevrolet Қостанайда жасалады.

Жаңа автомобиль көптеп сатылған Топ-10 қала