Қазақстанға Tank 300-дің жаңа нұсқасы келді

Қазақстанда Tank топтамасы толығып жатыр. Бірақ марка топтамаға жаңа модель емес, 300 индексті жол талғамайтын көліктің жаңа түрленімін қосты. City деп аталатын нұсқаның басты ерекшелігі ретінде толық жетекті жүйені айтуға болады. Өзге екі комплектациядан айырмасы Tank 300 City-де ол part-time емес, torque-on-demand схемасымен жұмыс істейді, мұнда алдыңғы ось көп дискілі муфта арқылы қосылады.

1 / 7

• 
• 
• 
• 
• 
• 
• 

1 / 7

«Үш жүздіктің» өзге жол талғамайтын мүмкіндіктері өзгерген жоқ. Автомобиль алдыңғы және артқы дифференциалды бұғаттағышпен жабдықталған, жүріс режимі тізіміне асфальтқа арналған Eco режимі қосылды. Кіру және шығу бұрышы мен клиренсі сол күйінде қалды. 220 ат күшіне ие 2 литрлік турбомоторы да өзгерген жоқ.

1 / 7

• 
• 
• 
• 
• 
• 
• 

1 / 7

Tank 300 City түрленімі Plus қосымшасы бар бір нұсқада қол жетімді. Ол бұрын біздің елде үздік нұсқа саналған Tech Plus-тың орнын басады. Яғни, марка салонды Nappa былғарысымен қаптап, жақсарған аудиожүйе, жылытуға және желдетуге болатын алдыңғы кресло, жүксалғыштағы 220 вольтты розетка және т.б. жабдықтар орнатады.

Сондай-ақ City Plus смартфонды сымсыз қуаттау, N95 сүзгісі бар ауа сапасын басқару жүйесі (AQS), артқы көрініс айнасы және жолақта ұстау, автоматты тежеу сияқты электронды көмекшілердің толық жинағымен жабдықталған.

City Plus нұсқасы біздің елде 20.3 млн теңге тұрады, ал Tech Plus түрленімін 19.8 млн теңгеге алуға болатын.