Әлемдегі ең танымал үлгінің он екінші буыны өткен жылы таныстырылды. Ал 2019 жылдың басында Corolla Түркияда конвейерге қойылған. Ол жақтан темір тұлпарлар Еуропаға және құрамына Қазақстан кіретін ЕЭО елдеріне жол тартады.
Toyota Corolla 1.8 литрлік бензинді агрегат пен электромотор (122 а.к.) негізіндегі гибридті және 132 ат күшіне ие 1.8 литрлік атмосфералық 2ZR-FE моторлы күштік құрылымдарда шығарылады. Бізге соңғысы ғана жететіні түсінікті, әрине. Ал гибридтер Еуропа нарығына арналған.
Бензинді моторы бар нұсқаның суреттері әзірше жоқ, сол себепті гибридті нұсқаның суреттерін көріп бізге әкелінетін Corolla-ның дизайны туралы пайымдаймыз.
Комментариев: 0