Росстандарт базасында жаңа Kia Seltos кроссоверіне арналған Көлік құралының типін мақұлдау (КҚТМ) пайда болды. Бұл осыған ұқсас сипаттама Өскемендегі «Азия Авто» кәсіпорнында шығарылатын Қазақстан нарығына арналған машинада да болады дегенді білдіреді.
Құжат бойынша кроссовердің моторлар гаммасында үш: 1.6 және 2 литрлік атмосфералы, сонымен қатар турбоүрлемге ие 1.6 литрлік мотор болады. Алғашқысының қуаты — алдыңғы жетекті нұсқасында 123, ал толық жетекті нұсқасында 121 ат күшіне тең. Екіншісі 149 күш береді. Ал турбиналы нұсқада 177 арғымақтың күші бар. Беріліс қораптары да бірнеше: 1.6 литрлік атмосфералы моторға арналған механика мен 6 сатылы автомат, турбомоторға арналған 7 сатылы робот және 2.0 литрлік қозғалтқышқа арналған сатысыз вариатор.
Қосымша жабдықтар тізімінде рөлді электрлі күшейткіш, шинадағы қысымды бақылау жүйесі, климат-бақылау мен SOS батырмасы бар.
Рсесйде автокөлік 2020 жылы сатылымға шығады, біздің елде де шамамен сол уақытта сатыла бастайды деп күтілуде.
Комментариев: 0