Американың Cars and Bids аукцион порталында қызықты машина сатылды. Toyota Mega Cruiser — Hummer H1-ге қатты ұқсайтын, автоөндіруші тарихындағы ең ірі жол талғамайтын көлік.
Mega Cruiser АҚШ-та ғана емес, бүкіл әлемде өте сирек кездеседі. 1995–2001 жылдары модельдің 3000 данасы ғана шыққан, оның тек 133-і жай бұқараға сатылды. Біз сөз етіп отырған көліктің бұдан өзге де қызық тұстары бар. Біріншіден, ол сол рөлді. Мұндай машинаның небәрі 12 данасы жарық көрген. Екіншіден, «Мега Крузер» АҚШ-қа Қазақстаннан барған, тіпті 01-аймақ нөмірі әлі тұр.
Сипаттамада ұзындығы 5 метр, салмағы 2.9 тонна Mega Cruiser АҚШ-қа 2021 жылы жеткізілгені жазылыпты. Ол кезде одометрі 86 мың км көрсетіп тұрған, ал қазір жүрген жолы 91 мың шақырымға жетті. Машина Колорадо штатында тіркелген.
Mega Cruiser 155 ат күші мен 382 Нм момент беретін 4.1 литрлік дизельді мотормен жүреді. Агрегат 4 сатылы автомат қорап және орталық бұғаттауышы бар толық жетек жүйесімен жұптаса жұмыс істейді. Маневр жасауға айналмалы артқы дөңгелектер көмектеседі. Сондай-ақ тәуелсіз аспа, артқы көрініс камерасы, парктроник сияқты жол талғамайтын көлікке қажетті жабықтар тар.
Қазақстаннан барған Toyota Mega Cruiser-дің саудасы қызды. Бағасы 225 доллардан басталып, соңында 310 000 долларға (148.4 млн теңге) өтті.
Комментариев: 0