Отандық метрологтар «Автомобильдің мемлекеттік тіркеу нөмірі» жөніндегі ҚР СТ 986-2022 стандартына өзгеріс енгізу жобасын дайындады. Құжатта Қорғаныс министрлігі сыртқы барлау субъектілерінің жеңіл және жүк көлігіне арналған мемлекеттік тіркеу нөмірін бекіту туралы жазылған. Жобаға сай белгі ақ түсті әрі «ID» сериялы болады, сол жақ жоғарғы бұрышында мемлекеттік ту орналасады. Яғни, ол азаматтық машина нөмірінен әріп белгісімен ғана ерекшеленеді.
«Ұлттық стандартқа өзгеріс енгізу әскери техниканы пайдалану кезіндегі қызметті оңтайлы етеді» деп санайды әзірлеушілер.
Ұлттық қауіпсіздік комитетінің авиация қызметіне тиесілі автомобиль, трактор және тіркемелер «AQ» әріп белгісі бар нөмірмен жүреді.
Ал әскери машина қара түсті нөмірмен ерекшеленеді.
Шекарашылар жасыл нөмір тағады.
Қарулы күштердің Әскери полициясы мен ҚР ІІМ Ұлттық ұланының машинасына азаматтық нөмірге ұқсас ақ түсті, бірақ сол жақ жоғарғы бұрышында ту орнында көк жұлдызшасы бар нөмір тағылады.
Ұлттық қауіпсіздік комитеті әскери полициясының да өзіндік нөмір белгісі бар.
Комментариев: 0