Қазақстандағы Zeekr иелері мастер-аккаунтқа қосылады

14 қазанда Қазақстандағы Zeekr өкілдігі елде марка электромобилін ресми орталықтан сатып алған тұрғындар үшін қуанышты жаңалық жариялады. Енді олар Қытайдағы машина иелері сияқты мастер-аккаунтқа (MA, немесе ZEEKR-аккаунт) және фирмалық қосымшаға қосыла алады.

Бұл қызметтің негізгі артықшылығы — смартфонды автомобиль кілті ретінде пайдалану, терезені, жүксалғышты қашықтан ашып-жабу, салондағы микроклиматты бақылау және батареяның қуаты туралы ақпарат алу. Функция «зикр» салонындағы мультимедиа экранында ғана қолжетімді болды.

Бірақ Қазақстанда қосымшаның жұмысы шектеулі. Қолда бар ақпаратқа сенсек, тұрақта қозғалу функциясы, бейтаныс адам жақындағанда жазу режимі және жаңа Bluetooth-кілтті тіркеу мүмкіндігі жоқ. Қолданбаның қытайлық нұсқасында мұндай функциялар өте көп. Болашақта осы мүмкіндіктер толық қолжетімді бола ма? Kolesa.kz редакциясы бұл сауалды марканың ресми дистрибьюторына жолдады.

Zeekr иелері қосымшаны App Store және Google Play дүкенінен жүктей алады. Бірақ оған автомобильді қосу үшін сервиске барып, 001 немесе X кроссоверіне қажетті манипуляцияны орнату керек.

Машинаны елге өз бетінше әкелген «зикр» иелері мастер-аккаунтты тіркей ала ма? Қазірше бұған мүмкіндік жоқ. Дистрибьютор релизінде MA ресми машинаға ғана қосылатыны жазылған.

17.10.2024, 10:23-де жаңарды.

Kolesa.kz редакциясына жауап ретінде Zeekr маркасының Қазақстандағы ресми дистрибьюторы бренд қосымшасы елде шектеулі функциялармен іске қосылғанын растады, бірақ уақыт өте келе оның мүмкіндіктері толығатынын айтты. Тұрақтағы көлікті қозғау және қадағалау функциялары міндетті түрде қосылады. Ал қосымша Bluetooth-кілтті тіркеу мүмкіндігін күтудің қажеті жоқ. Оның орнына компания қосымша арқылы көлікті басқа адаммен бөлісу мүмкіндігі болады деді.

Сондай-ақ ресми Zeekr 001 және X иелері электромобильдің операциялық жүйесін өз бетімен жаңарта алмайды. Жаңарту үшін бұрынғыдай сервистік орталыққа жүгіну қажет, бірақ жақында қосымшада онлайн жазылу мүмкіндігі пайда болады.