Қазақстандағы Сhangan топтамасына Uni-V лифтбегі қосылды

Сhangan Uni-V өз елінде былтыр наурызда саудаға шықты, ал Қазақстанға жақында келді. Көлемі Hyundai Elantra-мен шамалас. Ұзындығы — 4.68, ені — 1.8, биіктігі —1.43 метр, ал дөңгелек базасы — 2.75 метр. Автомобиль белсенді аэродинамикамен, жылжымалы есік тұтқасымен жабдықталған. Капот астындағы 1.5 литрлік турбомотор 7 сатылы роботпен жұптасады. Агрегат 181 ат күші мен 300 Нм момент береді.

1 / 8

• 
• 
• 
• 
• 
• 
• 
• 

1 / 8

Бренд Uni-V моделін бір комплектацияда ұсынады. Бағасы — 12 990 000 теңге. Лифтбек алты қауіпсіздік жастығы, круиз-бақылау, автоматты тежеу жүйесі, жолақты бақылау, дөңгелек қысымын анықтау сезгегі, алдыңғы және артқы жақтағы парктрониктер, айналаны шолу камерасы, 720p сапада видео түсіретін бейнетіркеуіш сияқты көмекшілерімен ерекшеленеді.

1 / 6

• 
• 
• 
• 
• 
• 

1 / 6

Жабдықтар тізімінен 10.25 дюймдік дисплейі бар Apple CarPlay, Android Auto-мен жұмыс істейтін сегіз динамикті медиажүйені, үш экраны бар аспаптар панелін, сымсыз қуаттау құралын, климат-бақылау, алдыңғы қол тіреуіштегі салқындату боксын, кілтсіз ашу жүйесін, бүйір жақ және артқы айнасын жылытқыш, алдыңғы орындарды желдеткіш, панорамалық шатыр және т.б. таба аласыз. Салоны былғарымен қапталған, орындықтарын электр көмегімен реттеуге болады.