Цифрлық даму, инновациялар және аэроғарыш өнеркәсібі министрі Бағдат Мусин елімізде көлік иелері мемлекеттік нөмірдің әріптерін өз қалауы бойынша таңдаса болатынын айтты.
«Кейбір арналар арқылы „әдемі“ нөмірге тапсырыс беруге болатынын білемін. Сондықтан мемлекеттік нөмірді өзі таңдауға мүмкіндік беретін қызмет енгізуді талқылап жатырмыз. Бұл қызмет бойынша клиент нөмірдің әріптерін өзі таңдай алады, мысалы, есімінің алғашқы үш әрпі. Бізде мұндай қызметке сұраныс бар», — деп жазды министр әлеуметтік желіде. Оның айтуынша былтыр ел тұрғындары VIP-нөмірге 6 миллиард теңге жұмсаған. Ал биыл 8 мыңнан аса «әдемі» нөмір 3 млрд теңгеге сатылды.
Қазақстанда жүргізушілер қарапайым мемлекеттік нөмірдің цифр және әріп комбинациясын таңдау мүмкіндігіне осыдан 5 жыл бұрын ие болған, көлік иесі машинасын тіркеген күні арнайы ХҚКО-да бар нөмірлер арасынан таңдау жасайды. Кейін полицейлер көлік иесі кез келген нөмірге тапсырыс беріп, жасата алатынын айтты. Тіпті Салық кодексіне тапсырыспен жасалған мемлекеттік нөмір үшін төленетін соманы енгізуді жоспарлаған. Бірақ тапсырыс бойынша нөмір жасауға елімізде техникалық мүмкіндік жоқ болып, жоба кейінге қалды. Сол мәселені министр тағы көтеріп отыр.
Комментариев: 0