ҚР ИИДМ қазір республикалық жолдардың бойында 374 ескі әжетхана бар екенін хабарлады. Олар суық, есігі, суы жоқ, жылымайды.
«Шағым көп түскендіктен мұндай объектілерді кезең-кезеңімен бұзу туралы шешім шығардық. Қазірге дейін талапқа сай келмейтін 15 дәретхана бұзылды», — деп мәлімдеді министрлік.
Ресми дерек бойынша республикалық маңызы бар тас жолдар бойында 618 демалыс орны бар, онда 53 модульді тазалық бөлмесі жұмыс істейді, биыл жыл аяғына дейін мұндай нысанның тағы 20-сын орнату жоспарланып отыр.
Демек шенділер 15 әжетхананы бұзып тастағанымен, 20 жаңа тазалық үйін әлі салмапты.
Елімізде жол бойында жалпы 1700-ге жуық қызмет көрсету орны бар, оның 1147-сі (70 %-ы) ұлттық стандартқа сай келеді. Жыл аяғына дейін осындай 80 жаңа нысан пайдалануға беріледі.
Комментариев: 0