Ақпанның аяғында Renault жол талғамайтын көліктің жетілдірілген нұсқасын көрсеткен болатын. Сырттай темір тұлпар мүлде өзгермеген. Ал салонында тартымды әрі эргономикалы рөл, Apple CarPlay мен Android Auto қосымшаларымен жұмыс істейтін жаңа MediaNav 4.0 мультимедиалық кешені және анағұрлым қолжетімді нұсқадағы RadioConnect пайда болды.
Жаңартылған көліктің бағасы да артты. Нұсқасына байланысты, өсім мөлшері 64 мыңнан 600 мың теңгеге дейін жетеді. Мысалы, 1.6 литрлік моторы бар алдыңғы жетекті механика қазір 64 мың теңгеге қымбатырақ. Толық жетекті нұсқасының құны шамамен 300 мың теңгеге көтеріліпті. Механикалық қораптағы екі литрлік кроссоверлердің бағасы жарты миллионға артқан, яғни бұрында 5.8 млн тұрған көлік үшін енді 6.2 млн қаржы жұмсауға тура келеді.
109 аттың күшіне ие 1.5 литрлік моторы бар дизельді Renault Duster-дің Қазақстанға аяқ басуын ерекше атап өткен жөн. Мұндай кроссоверлердің бағасы 6.3 млн теңгеден 6.5 млн теңгеге дейінгі аралықта. Аталған көліктер тек 6 сатылы механикалық қорапта ғана қолжетімді болады.
Комментариев: 0