Қазақстанда жаңарған Cadillac Escalade саудаға шықты

Былтыр шілдеде Cadillac жаңарған Escalade-ті таныстырған, машина дизайны электрлі Escalade IQ-ге біршама ұқсайды, мысал ретінде жаңа жарық техникасы мен жарық шашатын радиатор торын айтуға болады. Биыл көктемнің аяғында бренд жаңа өнімді Қазақстанда саудалай бастады.

1 / 4

• 
• 
• 
• 

1 / 4

Біздің елде жаңарған Cadillac Escalade екі комплектацияда сатылады: Premium Luxury Platinum және Sport Platinum. Машина 420 ат күшіне ие (624 Нм) 6.2 литрлік V8 моторымен жүреді, агрегат 10 сатылы автомат және толық жетек жүйесімен жұмыс істейді. Ең арзанын 104.8 млн теңгеге аласыз. Ал рестайлингке дейінгі Escalade кем дегенде 92.2 млн теңге тұратын.

1 / 8

• 
• 
• 
• 
• 
• 
• 
• 

1 / 8

Жаңарған Escalade салонында екі бөліктен тұратын 55 дюймдік OLED экраны бар, оның 35 дюймі жүргізушіге, 20 дюймі алдыңғы жолаушыға арналған. Ортаңғы консольде тағы бір шағын тачскрин орналасқан. Ол климат бақылау жүйесін басқару және амбиент жарықты баптау сияқты бірқатар функция атқарады.

Опциялар тізіміне 36 динамигі бар AKG аудиожүйесі, жылыту және желдету функциялары, екінші қатардағы бөлек кресло, есіктің электр жетегі, панорамалы люк, сымсыз қуаттағыш, бейімді пневматикалық аспа және айнала шолу камерасы, автоматты тежеу сияқты электронды көмекшілер жинағы кіреді.