Қазақстанда жаңа Kia зауыты 2025 жылы ашылады

Өткен аптада Қазақстанға Kia Corporation-ның ТМД елдеріндегі президенті Санг Гвон Джонг келді. Сапар барысында топ-менеджер ҚР премьер-министрінің орынбасары Роман Склярмен кездесті. Қос тарап елімізде Kia Qazaqstan кәсіпорнын құру туралы келісімшартқа қол қойды.

Қазақстанда Kia автомобильдерін шығаратын жеке зауыт салынады. Қазір корей брендінің бірнеше моделін «СарыарқаАвтоПром» зауыты басқа марка өнімдерімен бірге ірі торапты әдіспен құрастырады.

Жаңа өндіріс орны да Қостанайда ашылады. Жоспар бойынша жалпы ауданы 85 мың шаршы метр болатын зауыт 2025 жылы жұмыс бастайды. Онда 1.5 мың адам қызмет етеді. Оңтүстік Корея жобаға 90 млрд теңге (193.5 млн доллар) инвестиция салады.

Зауыт құрылысы биыл қазанда басталады.