Биыл шілдеде автомобильге техникалық қызмет көрсету және жөндеу станциялары тұрғындарға 37.6 млрд теңгеге қызмет көрсетті. Бұдан жоғары көрсеткіш (42.8 млрд теңге) 2024 жылғы желтоқсанда тіркелген. Finprom.kz Ұлттық статистика бюросының дерегіне сүйеніп, ТЖО қызметтерінің көлемі бір айда 12.1 % артқанын есептеді, ал былтырғы шілдемен салыстырғанда өсім 44.6 % болды.
Сондай-ақ биыл қаңтар мен шілде арасында ТЖО қызметтерінің көлемі 181.3 млрд теңге болды, бұл 2024 жылғы сәйкес кезеңмен салыстырғанда 35.8 % көп. Ал кейінгі бес жылда осы саладағы қызмет көрсету көлемі 3.6 есе артты.
Техникалық қызмет көрсететін орталықтардың бағасы 60 ай қатарынан өсіп, 71 ай бойы мүлде түскен жоқ. ТЖО қызметі орта есеппен айына 1.3 % қымбаттаған. Шілдеде баға 3.4 % өсті, ал былтыр осы айда бұл көрсеткіш 0.1 % болған. Бір жылда автомобильге техникалық қызмет көрсету және жөндеу қызметі 18.3 % қымбаттаған. Бұл былтырғыдан (9.7 %) екі есе көп.
Облыстар бойынша айтсақ, ТЖО қызметі Батыс Қазақстан облысында қатты қымбаттады — 45.5 %. Одан кейінгі орында Павлодар (34.1 %), Солтүстік Қазақстан (31.9 %), Ақмола (29.1 %) және Жамбыл (27.8 %) облыстары тұр.
Ал Атырау облысында бұл қызметтің құны шарықтамаған (небәрі 1.6 %). Одан кейін Ұлытау (5.1 %) мен Маңғыстау (5.6 %) облысы жайғасты.
Комментариев: 0