Қазақстанда тозған көлік көбейіп кетті

2024 жылғы 1 сәуірде елде 5.4 млн автомобиль бар екені белгілі болды, бұл бір жыл бұрынғы көрсеткіштен 15.9 % артық. Бірақ кейінгі 12 айда отандық автопарк айтарлықтай ескірген. Energyprom.kz сайты хабарлағандай, қазір Қазақстанда 20-дан асқан — 2.5 млн, 10–20 жыл бұрын шыққан 1.3 млн машина бар. Бұл көрсеткіш бір жылда сәйкесінше 6.9 % және 24.4 % өсті.

Жаңа автомобиль саны да аздап артты: 7–10 жыл бұрын шыққан көлік саны 5.7 % өсіп, 671 мыңға жетті, ал 3–7 жылдық машиналар 121.8 % көбейді (633.8 мың). Бірақ шыққанына 3 жыл толмаған жаңа көліктер 14.6 % азайды (328.4 мың).

ЕOtinish сайтындағы утиль алымы мен алғашқы тіркеу ақысын алып тастау туралы петиция 50 мыңнан аса дауыс жинады, үкімет оны қарау үшін жұмыс тобын құрып жатыр.

Өткен жұмада Өнеркәсіп және құрылыс министрлігі утиль алымы енген соң елде автопарк жаңарып, жол апаты азайғанын айтты.

Бірақ былтыр ҚР Жоғарғы аудит палатасы утилизация жүйесі өз мақсатына жете алмағанын мәлімдеген. Керісінше, Қазақстандағы автомобильдердің “жасы” 22-ге дейін өсіп кетіпті. Яғни, утиль алымын жинау басталған 2017 жылмен салыстырғанда шыққанына 10 жылдан асқан машина саны бір жарым есе артқан.