Қазақстанда толық жетекті Škoda Octavia саудаға шықты

2 литрлік мотормен жүретін жаңарған модельді Қостанайдағы Allur зауыты құрастырады.

Жарты жыл бұрын 150 ат күшіне ие 1.4 литрлік моторы бар чехиялық лифтбэк саудаға шыққан, енді Қазақстандағы Octavia топтамасы толық жетекті, қуатты нұсқамен толықты.

204 ат күшін беретін екі литрлік төрт цилиндрлі турбомотор жеті сатылы DSG робот қорабымен жұптасып, айналу моментін автоматты түрде бөлетін көпдискілі Haldex муфтасы арқылы екі оське 320 Нм береді. Автомобиль 6.6 секундта жүзге дейін жылдамдық алады, орташа отын шығыны — 100 км-ге 7.1 л.

1 / 8

• 
• 
• 
• 
• 
• 
• 
• 

1 / 8

Қазақстанда сатылатын модельдің жабдықтар тізімінде матрицалы шам, проекциялық дисплейі бар цифрлық аспаптар панелі, 13 дюймдік экранды, сегіз динамикті мультимедиа, климат-бақылау, желдету және массаж функциясы бар былғары орындық және т.б. болады. Машина толық қысқы пакет және ортаңғы эйрбэгті қамтитын он қауіпсіздік жастығымен жабдықталған.

Škoda бізге Octavia 4×4-тің Selection және SportLine комплектацияларын ұсынады. Екеуінің де бағасы — 19.79 млн теңге. Демек ол алдыңғы жетекті базалық Essence түрленімінен — 2 млн, ал үздік нұсқасынан 1.3 млн теңге қымбат.