Елімізде байлыққа салық салынуы мүмкін. Бұл туралы Tengrinews.kz қаржы министрлігінің баспасөз қызметіне сілтеме жасап хабарлады.
Қолда бар ақпаратқа сенсек, министрлік жылжымайтын мүлік, яхта, ұшақтардың кейбір класы және автомобильдерге қымбат заттар ретінде жоғарылатылған салық салуды жоспарлап отыр.
Баспасөз қызметі байлық салығы Aston Martin, Bentley, Ferrari, Lamborghini және Maserati секілді люкс марканың қымбат модельдеріне салынатынын ескертті. Олардың бағасына байланысты арнайы коеффициент қолдану арқылы жоғары көлік салығы енгізілуі мүмкін.
Байлық салығы аталған маркаларға ғана салынбайды. Тізім толықтырылады. Тізімге тағы қандай көліктер кіретіні қазірше белгісіз. Тіпті мұндай салықтың нақты қашан енгізілетіні де анық емес.
Байлық салығы көрші елдерде бұрыннан бар. Мысалы, Ресейде мұндай схема 2014 жылдан бері жұмыс істейді. Ресейде қымбат көліктер шегі тым төмен. Бағасы 3 миллион рубльден асатын барлық машинаға жоғары салық салынады. Бұл шамамен 17 миллион теңге. Қазақстанда 2.5 литрлік моторы «Престиж Плюс» жиынтығындағы Toyota Camry 17.8 миллион теңге тұрады.
Комментариев: 0