Биыл жазда сақтандыру компаниялары Kolesa.kz редакциясына елдегі жол апатының статистикасын ұсынған. Олардың есебі бойынша апат саны жылдан жылға артып барады. Ішкі істер министрлігі мұның басты себептерінің бірі ретінде жүргізушілердің тәртіпсіздігі мен дайындық деңгейінің төмендігін атап отыр. Полицейлер 2018 жылдан бері автомектептер мемлекеттік бақылауда болмағанын айтты.
«Біз бұл мәселені реттеуге кірістік. Былтыр өз бетінше дайындалатын жүйені алып тастадық. Барлық автомектеп тіркелді. Курс оқығаны туралы куәлік пен медициналық анықтаманы электрондық форматқа көшірдік», — деді ҚР Ішкі істер министрі Ержан Сәденов бүгін Мәжілісте өткен «Қоғамдық қауіпсіздікті қамтамасыз етудің өзекті мәселелері» атты Үкімет сағатында.
Сәденовтің айтуынша министрлік автомектеп ашуға рұқсат беру тәртібін өзгертуді жоспарлап отыр. Бұдан кейін ол үшін тек полицияға жүгіну қажет болады. Бірақ бұл өзгеріс нақты қашан күшіне енетіні белгісіз.
Комментариев: 0