Бейсенбі, 22 сәуірде Қасым-Жомарт Тоқаев Атырау облысының әлеуметтік-экономикалық дамуы жөніндегі кеңесте сөз сөйледі. Осы кездесуде президент қаладағы көлік легін реттеу, атап айтқанда автобус жолағын пайдалану мәселесін көтерді.
Мемлекет басшысы көлік жүргізушілерінің қарбалас сәттерден тыс уақытта және демалыста автобус жолығымен жүру мүмкіндігін қарстыруды тапсырды.
— Қала ішіндегі көлік легін сауатты реттеудің маңызы зор. Осыған байланысты мен үкімет пен әкімдерге қарбалас кезден тыс уақытта және демалыс күндері автобус жолақтарын пайдалану мәселесін шешуді тапсырамын, — деді Қасым-Жомарт Тоқаев.
Президенттің айтуынша, мұндай тәжірибе Мәскеу, Стамбул және Парижде қолданылады.
Бұл тапсырманың нақты қалай жүзеге асырылатыны қазірше белгісіз. Әсіресе «рұқсат тек қарапайым автобус жолағына қатысты ма, әлде Алматыдағы BRT желісіне де әсер ете ме» деген сұрақ туындайды. «Жол жүрісі туралы» заңда бұл жолдар тең дәрежеде.
Комментариев: 0