SOS батырмасы мен жедел көмек көрсететін қызметті шақыру жүйесі жоқ жеңіл және жүк көлігін шығаруға рұқсат беретін ЕЭК кеңесінің шешімі кеше жарияланды, бірақ ол ретроспективті түрде 15 сәуірден бастап күшіне енеді. Құжатқа сай 2023 жылы 1 ақпанға дейін Қазақстан, Ресей, Беларусь, Армения, Қырғызстанда шығарылған немесе осы елдерге ресми дилерлер кіргізген M және N қатегориялы барлық машинаға батырма орнатпаса болады.
Аталған күннен бастап автоқұрастырушылар мен импорттаушылардан шұғыл көмекке шақыру жүйесін орнату талап етілмейді. Бірақ «батырмасы жоқ» көліктер сол елдің ішінде ғана жүре алады. Мұндай көліктер тіпті ЕЭО нарығына да шыға алмайды. Ресми талап осындай, іс жүзінде оны қалай бақылауда ұстайтыны белгісіз.
Бірақ мемлекеттер өзара шектеуді жеңілдету туралы келіссе болады. Қолда бар ақпаратқа сүйенсек, Қазақстан мен Қырғызстан алда осындай келісімге келеді.
ЕЭК кеңесінің шешімі Қазақстан тарапының бастамасымен қабылданды. Кеңес отырысында біздің делегация шұғыл көмекке шақыру жүйесін орнатуға қажет бөлшек жеткіліксіз кезде оны орнату туралы талаптан уақытша бас тартуды ұсынды. Екінші жағынан тұтынушыға түсетін қаржылық жүктеме де азаяды деп санайды. Өйткені SOS батырмасын орнату көлік бағасын 280 мың теңгеге өсіреді.
Машина шынымен азырақ арзандайтын шығар. Бірақ қазір салонда қосымша опциялар үшін төленетін ақшамен салыстырғанда бір батырманың бағасы түкке тұрғысыз екені анық.
Комментариев: 0