2025 жылғы 11 айда Грузиядан Қазақстанға 41 556 автомобиль жеткен. Бұл көрсеткіш бір жыл бұрынғыдан (48 986 дана) сәл аз, бірақ Қазақстан Грузиядан көлік құралын ең көп импорттаған ел атанып отыр.
Грузия Ұлттық статистика қызметі хабарлағандай, Қазақстанға экспортталған автомобильдердің жалпы құны 735 млн долларға жеткен.
Анықтама: Грузия автокөлікті негізінен
2025 жылы қаңтар мен қараша арасындағы реэкспорт рейтингісінде екінші орында Қырғызстан (38 902 автомобиль) тұр. Көрші ел азаматтары қымбат машиналарды таңдаған сияқты, өйткені ол жаққа аттанған техниканың жалпы құны 1 млрд доллардан асқан (1 327 590 200 доллар).
Үздік үштікті Әзербайжан түйіндеп тұр: бұл елге небәрі 7292 машина жол тартқан, олардың жалпы сомасы — 196 609 800 доллар.
Назар аударатын тағы бір түйін бар. Өзбекстан Грузиядан 2433 машина алыпты. Әрине, көп емес. Бірақ бұл былтырғыдан 5.5 есе көп.
Грузиядан көлік импорттаған топ-10 ел
| Орын | Ел | 2025 жылғы 11 айдағы экспорт көлемі |
| 1 | Қазақстан | 41 556 |
| 2 | Қырғызстан | 38 902 |
| 3 | Әзірбайжан | 7292 |
| 4 | Тәжікстан | 7009 |
| 5 | Армения | 2455 |
| 6 | Өзбекстан | 2433 |
| 7 | Украина | 1251 |
| 8 | Түркіменстан | 1243 |
| 9 | Молдова | 680 |
| 10 | Түркия | 216 |
Комментариев: 0