Шектеу туралы Қаржы министрлігінің Мемлекеттік кірістер комитеті хабарлады.
18 қарашада Мемлекеттік кірістер комитетінің сайтында «Өнеркәсіп және құрылыс министрлігі мәлімдегендей, шыққанына үш жылдан аспаған және КҚТМ (Көлік құралының типін мақұлдау — Kolesa.kz ескерт.) құжаты негізінде әкелінетін машинаны тек КҚТМ құжатында көрсетілген тұлғалар кіргізе алады. Бұл Еуразиялық экономикалық одақ аумағында сәйкестігі міндетті түрде бағалануы керек өнімді Еуразиялық экономикалық одақтың кедендік аумағына әкелу тәртібінің
Бұл нені білдіреді?
Мұндай жаңалық заңды тұлға, жеке тұлға сияқты көптеген импорттаушыны таңғалдырды. Себебі экспорт, жеткізу, импорт және кедендік рәсімдеу процесі бір күн емес, бірнеше аптаға созылады… Біз құзырлы органдарға Қазақстан шекарасына бет алған көліктерге не болады деп сауал жолдадық.
Kolesa.kz редакциясына Мемлекеттік кірістер комитеті шектеу тек «сұр дилерлерге» қатысты болатынын түсіндірді. Яғни, ресми дистрибьюторлар мен өндірушілер шығарған КҚТМ құжатын пайдаланып көлік импорттайтын заңды тұлғаларға қатысты. Мемлекеттік кірістер комитетінің Кедендік операциялар басқармасы басшысының орынбасары Жандос Секеновтың айтуынша, бұл өзгеріс қауіпсіздігін растайтын куәлік арқылы көлік әкелетін қарапайым азаматтарға және шыққанына үш жылдан асқан автомобильдер жеткізетін компанияларға әсер етпейді.
Мысалы, бүкіл ЕЭО-да Lixiang маркасының ресми дистрибьюторы болмағандықтан, гибридтердің КҚТМ құжаты жоқ. Бірақ автомобильді жеке пайдалану үшін әкелуге болады, бұл жағдайда әр Li үшін қауіпсіздігін растайтын куәлік ресімделеді.
Өнеркәсіп министрлігі неліктен мұндай түсініктеме бергені айтылмады. Бірақ билік жеке компаниялардың шетелден жаңа машина кіргізуіне кедергі болып, ресми дилерлер мен Қазақстандағы көлік құрастырушыларды қолдауды көздеп отырған сияқты.
Биыл сәуірде Ресей билігі параллель импортпен күресу үшін осындай шектеу енгізген.
Kolesa.kz редакциясы бұл жағдайды өз назарында ұстайды.
Комментариев: 0