2022 жылғы қазанда автосалондар 9 870 жаңа жеңіл көлік және 865 коммерциялық техника сатты. Жалпы 10 735 автомобиль иесін тапты. Бұл қыркүйектегі көрсеткіштен айтарлықтай аз, бірақ 2021 жылмен салыстырғанда 4.9 %-ға көп. Қазақстан автобизнес қауымдастығы (ҚАБҚ) биыл он айда 97 737 машина өтіп, былтырғы ұқсас мезгілден 0.9 %-ға жоғары болғанын хабарлады.
Күздің екінші айында Chevrolet көліктері ең көп сатылды. Марка 3137 машина саудалады, оның көбі Cobalt седаны. Екінші орынға Hyundai (2072), үшінші сатыға Kia (1408) жайғасты. Үш модель де 2021 жылғы қазанмен салыстырғанда көп өтті. Атап айтқанда, «Хёндэ» 22.1 %, ал «Киа» 63.5 % өсім көрсетті. Төртінші орында Chery тұр. Қытайлық марка Toyota-дан озды. Бірақ екі компания сатқан машина санында үлкен айырмашылық жоқ — 670 дана және 665 дана. Үздік ондыққа төрт қытайлық марка енгенін айта кеткен жөн.
2022 жылғы қазан қорытындысы бойынша нарықтағы үздік 10 марка
| Орын | Марка | 2022 жылғы қазандағы сатылым (дана) |
| 1 | Chevrolet | 3137 |
| 2 | Hyundai | 2072 |
| 3 | Kia | 1408 |
| 4 | Chery | 670 |
| 5 | Toyota | 665 |
| 6 | Exeed | 303 |
| 7 | Lada | 299 |
| 8 | JAC | 266 |
| 9 | Lexus | 211 |
| 10 | Haval | 198 |
Танымал модельдер тізімінде өзгеріс бар. Көш басында әлі Chevrolet Cobalt (2193) тұрғанымен, екінші орынға Nexia емес, Hyundai Tucson (976) ие болды. Ал Nexia (729) үшінші сатыға сырғыды. Үздік бестікке Kia Ceed (484) пен Toyota Land Cruiser Prado (416) енді.
Hyundai Accent күтпеген жерден сегізінші сатыдан көрінді. Автобөлшек жеткізетін
Комментариев: 0