2024 жылғы қазан Қазақстанның жаңа автомобиль нарығы үшін табысты болды. Бір айда жеңіл коммерциялық техниканы қоса есептегенде 21 491 жеңіл автомобиль өтті. Бұл биылғы ең үздік көрсеткіш, былтыр мұндай нәтиже желтоқсанда ғана тіркелген, ол кезде дилерлер 23 528 машина сатты. Ал былтырғы қазанмен салыстырғанда нәтиже 18.3 % жақсарды.
Қазақстанның автокөлік одағы (ҚАО) он айда 158 621 автомобиль иесін тапқанын хабарлады, бұл 2023 жылдың сәйкес кезеңіндегі көрсеткіштен 1.5 % жоғары.
Қазанда Chevrolet өнімдері ең көп өтті. Бренд автосалондары 6265 машинаның кілтін тапсырған, бұл былтырғы қазандағы саудадан 64 % артық. Екінші және үшінші орынға Hyundai (2955 дана) мен Kia (2412) жайғасты. Одан кейінгі сатыларға Chery (1385) және Haval (1329) орналасты.
2024 жылғы қазандағы сауда нәтижесі бойынша үздік 10 марка
| Орын | Марка | 2024 жылғы қазандағы сауда нәтижесі |
| 1 | Chevrolet | 6265 |
| 2 | Hyundai | 2955 |
| 3 | Kia | 2412 |
| 4 | Chery | 1385 |
| 5 | Haval | 1329 |
| 6 | Toyota | 1176 |
| 7 | JAC | 981 |
| 8 | Jetour | 907 |
| 9 | Geely | 652 |
| 10 | Changan | 618 |
Танымал модельдер қатарында тағы Chevrolet Cobalt көш бастады. Қазанда седанның 6 мыңға жуығы, дәлірек айтсақ, 5857 данасы иесін тапты. Яғни «Шеви» саудасының көп бөлігін осы бюджеттік седан ұстап отыр. Екінші орында Hyundai Tucson (1327 дана) тұр, үздік үштікті Kia Sorento (746) түйіндеді. Одан кейін Kia Sportage (734) бен Hyundai Elantra ( 673) жайғасқан. Toyota Camry де осы тізімге кірді, оның 516 данасы өткен.
Он айдың қорытындысы бойынша Hyundai (34 169 дана) жеңімпаз атанды. Ал Chevrolet — 22 045, Kia 19 740 машина сатты. Үздік бестікке Сhery (11 976 дана) мен Jac (9087) енді.
2024 жылдың он айындағы үздік 10 марка
| Орын | Марка | 2024 жылдың он айындағы сауда нәтижесі |
| 1 | Hyundai | 34 169 |
| 2 | Chevrolet | 22 045 |
| 3 | Kia | 19 470 |
| 4 | Chery | 11 976 |
| 5 | JAC | 9087 |
| 6 | Toyota | 8579 |
| 7 | Haval | 8221 |
| 8 | Jetour | 7437 |
| 9 | Changan | 6734 |
| 10 | Geely | 6259 |
Комментариев: 0