«Қауіпті» Chevrolet қайта саудаға шықты

1965 жылы жас адвокат Ральф Нейдер Unsafe at Any Speed (Кез келген жылдамдықта қауіпті) атты кітабын жариялады, онда ол америкалық автоөндірушілерді автомобиль жобалағанда саналы түрде немқұрайлыққа жол берген деп айыптады. General Motors концернінің Chevrolet Corvair көлігі сынға түсті. Автор сұхбат алған сарапшылардың пікірінше, көлік нашар басқарылады және бұрылыстарда аударылып қалуға бейім.

Жел тұрмаса, шөптің басы қимылдамайды. Өлшемдері жағынан 24-інші «Волгаға» жақын «Корвэйрдің» моторы (салмақтың 60 %-ы артқы осьте) артында орналасқан. Көлік аспасында көлденең тұрақтылықты сақтауышы жоқ теңселмелі жартылай осьтер болғандықтан және қимылы үлкен болып, жұмсақ жүретіндіктен қауіп те артты. Жоғары жылдамдықпен бұрылғанда бұрылу бағытына қатысты ішкі артқы дөңгелектің ілінісі жоғалып, кейде жерге тимейтін еді, ал сыртқы дөңгелек, керісінше, жартылай осьпен бірге автомобильдің астына қарай қисайып кететін.

Ақауды зауыт ұсынатын опция түріндегі пакет көмегімен жоюға болатын, оған қаттырақ серіппелер мен амортизаторлар, алдыңғы көлденең тұрақтылықты сақтаушы және артқы аспаның қимылын шектеуіш кірді, бірақ клиенттер қауіпсіздік үшін артық төлем жасауға асықпады. Нейдердің бестселлерге айналған кітабынан Chevrolet Corvair саудасы едәуір әлсіреді. Автоөндіруші бірнеше жылдан кейін даулы модельді конвейерден алып тастады.

«Корвэйрдің» декоры аз, алдыңғы торы жоқ, шанағының беті тегіс жаңа және ерекше дизайнын NSU Prinz 4, Fiat 1300/1500 және ЗАЗ сияқты шетелдік компаниялар қайталады.

1 / 11

• 
• 
• 
• 
• 
• 
• 
• 
• 
• 
• 

1 / 11

1960-1969 жылдары шыққан барлық шанақ түріндегі (седан, купе, кабриолет, универсал, тіпті фургон мен пикап) Chevrolet Corvair-дің жалпы тиражы 1.8 миллионнан асты, сондықтан жақсы сақталған көліктердің сатылып жатқаны таңғаларлық емес. Bring a Trailer-де саудаланған нұсқа — 1960 жылғы жасыл түсті седан, 6 цилиндрлі оппозит моторы (80 ат күші және 125 Нм момент) және екі сатылы Powerglide автомат қорабы бар. 64 жастағы машина мата-винил салонымен түпнұсқа комплектацияда сақталған, біраз жері тозыпты, бағасы әзірге 3200 доллар.

1 / 10

• 
• 
• 
• 
• 
• 
• 
• 
• 
• 

1 / 10