Қарағандыда жедел жәрдем жүргізушісін соққыға жыққан адам ұсталды

Дәрігерлерді алып келген жүргізушіге 26 қаңтарда шабуыл жасалды. Әлеуметтік желіде тарап кеткен оқиға орнындағы бейнероликтен сақалды еркек аулада жолды бөгеп тұрған жүргізушімен дөрекі сөйлескенін көруге болады, сөзге келіп қалғаннан кейін жұдырық астына алып, басынан екі рет ұрған.

Жүргізушінің мұрны сынған және миы шайқалған, ал бұзақы қашып кетті. Полиция сотқардың жеке басын жылдам анықтап, оған іздеу салды.

Шабуыл жасаған ер адам 1 ақпанда Қарағандыдан 200 шақырым жердегі Қарқаралы ауданында ұсталды. Ол ар-ұяты мазалағандықтан полицияға өз еркімен берілгенін айтты. Жақында Instagram-да кешірім сұрағаны туралы видео шығарды да, артынша жойып жіберді, бірақ көшірмесі әлеуметтік желіде тарап кетті.

Прокурорлардың айтуынша ер адам үш жылға бас бостандығынан айырылады.

Бұл жедел жәрдем қызметкерлеріне жасалған алғашқы шабуыл емес. Тұрғындар олармен жиі ұрысады, көбінесе тар аулада жүріс қиындап, жолды бөлісе алмаған кезде сөзге келіп қалады. Айғай-шу әдетте азаматтардың қол көтеруімен аяқталады. Сенатор Амангелді Толамисов шабуыл жиілеп кеткендіктен денсаулық сақтау қызметкерлерінің статусын полицияның статусына теңестіруді ұсынды.

Дәрігерлердің және жүргізушінің еңбегін бағалайық.