Қарағандыда екі автобус соғылып, бір адам көз жұмды

Оқыс оқиға бүгін, 25 қарашада жергілікті халық ДСК деп атайтын Сейфуллин даңғылы бойындағы көпірде болды. 146-автобус жүргізушісі қарсы жолаққа шығып кетіп, № 41 бағыттағы автобусқа соғылыпты.

View this post on Instagram

A post shared by ekaraganda.kz (@ekar.kz)

41-автобус жүргізушісі салонда қысылып қалып, қайтыс болды. 146-бағыттағы қоғамдық көлік жүргізушісі ауыр жараланып ауруханаға жеткізілді. Оның 15 жолаушысы да емханаға түсті. Жол апаты кезінде 41-автобуста жолаушылар болмаған.

Түнде жаңбыр жауғандықтан, көпір тайғақ болған, апатқа сол себеп болды деген болжам бар. Оқиға орнында дәрігерлер, полиция және құтқарушылар жұмыс істеп жатыр.

Адам өліміне әкеп соққан жол апатына кінәлі азамат 5 жылға дейінгі мерзімге бас бостандығынан айырылады және 5 жыл көлік жүргізе алмайды.