«Қарағанды — Жезқазған тас жолын жөндеу жобасы дайын, жоба қазір мемлекеттік сараптамадан өтіп жатыр. Жөндеу жұмыстары биыл басталады. Жаңаарқадан Қарағандыға қарай 40 шақырым жол саламыз. Қарағандыдан Жезқазғанға, одан әрі Қызылорда облысына бет алатын трасса төрт жолақты болады», — деді Қарағанды облысының жолаушы тасымалы және автомобиль жолдары басқармасының басшысы Мақсұт Қожанов. Оның айтуынша жоба аясында Ақтас ауылы іргесіндегі теміржол өткеліне өтпежол салып, сондағы кептеліс мәселесін шешу жоспарланып отыр. Рельс үстінен өтетін көпір құрылысы 2024 жылы басталады.
Қарағанды мен Жезқазған арасындағы тас жол кеңес заманынан бері жөндеу көрмепті. Былтыр қазанда облысқа сапарлай келген ел президенті аталған жолды жөндеуді тапсырған. Тоқаев жаңа жол Ұлытау облысының дамуына серпін беретінін айтты.
Комментариев: 0