Қарағанды облысында утиль және алғашқы тіркеу алымынсыз жүк көліктері тіркелген

Қылмыстық схеманы Қаржылық мониторинг агенттігінің аймақтық филиалының қызметкерлері анықтады. Агенттіктің мәліметінше, жергілікті арнайы ХҚКО қызметкерлері көлік құралдарын алғашқы тіркеу мен утилизациялық алымнан босату мақсатында интеграцияланған ақпараттық жүйеге жалған VIN-код енгізген. Нәтижесінде 33 жүк көлігі алғашқы тіркеуге заңсыз қойылып, бюджетке 315 миллион теңгеден астам қаражат түспеген.

Күдіктілер — бұрынғы арнайы ХҚКО басшысы мен оның орынбасары ұсталды, сот оларды қамауда ұстау шешімін қабылдады. Күдіктілердің 42 миллион теңге көлеміндегі мүлкіне тыйым салынды. Сотқа дейінгі тергеу жүргізілуде. Қылмыстық-процестік кодекстің 201-бабына сәйкес басқа ақпарат жариялауға жатпайды.

Бұған дейін дәл осындай жалған төлем құжатпен алғашқы тіркеу фактілері Ақмола, Қостанай, Алматы және Павлодар облыстарында анықталған еді.