Қайғылы оқиға шілденің 5-інен 6-сына қараған түні қаладағы орталық көшелердің бірінде болды. Ер адамның жаяу жүргіншілер жолағынан өтіп бара жатқаны бейнебақылау камераларына түскен. Ол жол ортасына жете бергенде сол жақтан аса жоғары жылдамдықта келе жатқан көлікті байқайды. Жүйткіген машинадан қашпақ болды ма екен, ер адам сәл артқа шегінеді. Бірақ ол ажалдан аман қала алмады.
Оқиғаның видеосын әлеуметтік желіде жариялаған адам жаяу жүргіншінің жол апатынан мерт болғанын, енді оның туыстары мен достарына қысым көрсетіліп жатқанын жазды. Автордың сөзінше, тергеушілер оның отбасынан іске қатысты деректерді жасырған. Куәгерлерді де қорқытып жатыр екен. Бейнебақылау камераларындағы жазбалар жойылып, қаза болған азаматты өзін өзі өлтірді деп көрсетпек.
Алматы облыстық полиция департаментінің баспасөз қызметі хабарлағандай, 2020 жылдың 6 шілдесінде ҚР ҚК-нің 345-бабы, 3-бөлігі бойынша сотқа дейінгі тергеу жұмыстары басталды. Жүргізуші ұсталып, сот шешімімен 2 айға қамауға алынды. Қазіргі уақытта жол апатының мән-жайын анықтауға қажет сараптамалар тағайындалып, іс жүргізіліп жатыр.
Комментариев: 0